Кошаркарите на Лос Анџелес Лејкерс го совладаа Мајами Хит со 124:114 и водат во финалната серија со 2:0.
Мајами без Горан Драгиќ и Бем Адебајо пружија солидна партија, особено во нападот, но не можеа да му парирата на тандемот Леброн Џејмс-Ентони Дејвис. Овие двајца лесно ја разбиваа зонската одбрана на Мајами.
Лејкерси имаа имаа предност од шест поени по првиот период, до полувремето постигнаа 14 поени повеќе од Мајами (68:54). Во третиот период Мајами неколку пати се доближија на минус од шест поени, тие напади Лејкерси ги одбија со прецизни шутеви за три поени.
Леброн Џејмс и Ентони Дејвис заедно искомбинираа 65 поени, 23 скока и 9 асистенции. Леброн кокетираше со трипл-дабл (33 поени, 9 скока, 9 асистенции), а Дејвис забележа 32 поени и 14 скока. Дабл-дабл забележа и Режон Рондо (16 поени, 10 асистенции).
Мајами го предводеа Џими Батлер со 25 поени, 13 скокови и 8 асистенции, односно Кели Олиник со 24 поени и 9 скока.
Третиот натпревар од финалната серија на програмата е во понеделник во 1.30 часот.