Ману Џинобили е легенда на Сан Антонио Спарс и на светската кошарка, а изминатата ноќ тој успеа да пробие уште една граница – во победата над Шарлот Хорнетс 108:101 тој го одигра 1000 натпревар во НБА лигата.
Џинобили натпреварот против Хорнетс го заврши со 10 поени, 4 скока и 5 асистенции, а имаше и едно забивање коие потсети на неговите најдобри времиња. Популарниот Ману кој има полни 40 години се уште има важна улога во тимот на Грег Поповиќ.
„Тоа се многу натпревари, многу години, горд сум што одиграв толку средби“, изјави Ману, кој во 1999 година како 57 пик на драфтот беше избран од страна на Сан Антонио.
Џинобили во Сан Антонио пристигна во 2002 година и досега има освоено четири шампионски титули (2003, 2005, 2007, 2014), два пати играл на „Ол стар“ натпреварот, а во 2008 беше избран за најдобриот шести играч во лигата.
Со репрезентацијата на Аргентина има златен медал од Илимпијадата во Атина во 2004 година, бронза од Олимпијадата во Пекинг во 2008 година и средбор од Светскиот шампионат во Индијанаполис во 2002 година.