Мајкл Џордан продаде дел од НБА тимот Шарлот хорнетс на двајца бизнисмени, но и по зделката ќе биде мнозински сопственик на тимот.
Во соопштението кое го објавија Шарлот, потврдено е дека Гејб Плоткин и Даниел Сандхајм ќе бидат дел од сопственичката структура на клубот и ќе работат во „заднина“, додека Џордан ќе ја заддржи контролата за правење одлуки во клубот.
„Возбуден сум што можам да им посакам добредојде на Гејб и Ден како мои партнери во Хорнетс. Јас ќе ги носам одлуките за тимот и организацијата и ќе останам гувернер на тимот, но инвестицијата на Гејб и Ден е фантастична вест, бидејќи ќе помогне да се модернизира тимот и да се натпреварува со најдобрите во НБА лигата“, изјави Џордан во соопштението на Хорнетси.
Џордан е вклучен со Хорнетс од 2006 година, кога стана малцински сопственик кога тимот уште се викаше Бобкетс. Во 2010 тој ја презеде контролата на тимот и стана единствениот Афроамериканец сопственик на НБА тим.
Под негово водство тимот немаше многу успеси, со само три пласмани во плеј-офот, во кои губеа во првото коло.
Hornets Sports & Entertainment Chairman, Michael Jordan, has announced that Gabe Plotkin, Founder and Chief Investment Officer, Melvin Capital, and Daniel Sundheim, Founder and Chief Investment Officer of D1 Capital, will join HSE as partners. Read more: https://t.co/DaiXEpAKEF pic.twitter.com/6q65mYqBvQ
— Charlotte Hornets (@hornets) September 14, 2019