Лука Дончиќ откако ја освои европската титула со Словенија во 2017, направи мала пауза со настапите во националниот дрес, по што неговата репрезентација не се пласираше на минатогодишното СП, но сега НБА ѕвездата потврди дека се враќа во тимот во олимпискиот квалификациски турнир.
„Да, сигурно ќе играм таму, не би го пропуштил тоа“, изјави Дончиќ пред стартот на Ол-Стар викендот.
Словенија своето место на ОИ во Токио ќе го брка во тешка конкуренција на турнирот во Каунас, Литванија. Тие се во групата Б со Полска и Ангола, додека во групата А се Литванија и Венецуела, а само една репрезентација обезбедува олимписко место.
Slovenia’s Luka Doncic says he will play “for sure” Olympic Qualifying Tournament in June https://t.co/CGFs6tF3W7
— Sportando (@Sportando) February 14, 2020