На словенечката кошаркарска сензација Лука Дончиќ му предвидуваа блескава иднина во НБА лигата, но никој не очекуваше да се случи ова.

НБА лигата ги објави досегашните резултати од гласањето за Ол-Стар натпреварот, а Дончиќ се наоѓа на второто место на Западот со фантастични 2.220.077 гласови, и пред него е само „кралот“ Леброн Џејмс со 2.779.812. Повеќе од Словенецот имаат и Кајри Ирвинг и Јанис Абетокумбо во Источната конференција.

19-годишниот Дончиќ едноставно блеска во дресот на Далас маверикс и има просек од 19.8 поени, 6.7 скока и 4.9 асистенции на натпревар и првпат по долга пауза неговите Маверикси се во игра за плеј-офот со 19-22 скор на деветтото место на Западот.

Овогодишниот Ол-Стар натпревар ќе се игра на 17 февруари во Шарлот, а гласовите од публиката ќе вредат 50 отсто во стартната петорка, а другиот дел ќе го бираат самите кошаркари и американските медиуми.