Лука Дончиќ, во победата на Далас Маверикс над Кливленд Кавалирс 111:98 го одигра најдобриот меч од доаѓањето во НБА лигата и влезе во одбрана група на кошаркари.
Словенецот натпреварот го заврши со 35 поени, 11 скока и 6 асистенции и стана само шести играч во историјата на лигата кој пред да наполни 20 години ја надминал бројката од 1.000 поени во кариерата.
Во овој ексклузивен клуб претходно влегоа Леброн Џејмс, Кевин Дурент, Кармело Ентони, Девин Букер и Двајт Хауард.
Никола Јокиќ го забележа 25 трипл-дабл во кариерата. Денвер Нагетс ги совладаа Минеста Тимбервулвс 107:106. Србинот мечот го завршил со 13 поени, 16 скока и 10 асистенции, вклучувајќи ја и последната преку целиот терен по која Малик Бизли решавачките поени.
Изминатата ноќ Голден стејт Вориорс ги победија ЛА Лејкерс 115:101. Вориорс до 37 победа во сезоната ги предводеше Клеј Томпсон со 28 поени, а дабл-дабл запишаа Кевин Дурент (21 поен, 11 скока) и Демаркус Казинс (18 поени, 10 скока).
Лејкерси играа без Леброн Џејмс, а најефикасен беше Брендон Инграм со 20 поени.
Џејмс Харден на 26 натпревари ја продолжи низата на која постигнува најмалку 30 поени на натпревар. „Брадата“ во победата на Хјустон над Јута Џез 125.98 имаше 43 поени, 12 скока, 5 асистенции, 6 украдени топки и 4 блокади.
Резултати:
Шарлот-Чикаго 125:118
Орландо-Бруклин 102:89
Вашингтон-Милвоки 115:131
Мајами-Индијана 88:95
Сан Антонио-Њу Орлеанс 113.108
Феникс-Атланта 106:107
Сакраменто-Филалделфија 98:125