Кевин Дурент ќе стане слободен агент на 30 јуни, откако според „ЕСПН“, тој решил да се откаже од договорот со Голден Стејт вориорс за 2019/20, иако се работеше за сума од 31.5 милиони долари за следната сезона.
Според „ЕСПН“, Дурент е во Њујорк со својот бизнис-партнер, Рич Клајман и ги разгледува опциите за следната сезона.
Двократниот НБА шампион доби сериозна повреда на ахиловата петица во петтиот натпревар од НБА финалето кое Вориорс го загубија од Торонто репторс и прогнозите велат дека тој ќе ја пропушти цела наредна сезона. И покрај ова, тој има доста опции за иднината, од кои една е да потпише повторно со Вориорс за максимален петгодишен договор и 221 милиони долари.
Потоа, тука се и заинтересираните клубови како Њујорк никс и Брууклин нетс, кои можат да му дадат четиригодишен договор, така што тој останува еден од најпосакуваните слободни агенти ова лето.
Golden State Warriors star Kevin Durant has declined his $31.5M player option and will become an unrestricted free agent, league sources tell ESPN. Durant and his business manager Rich Kleiman are in New York, evaluating free agency options. So far, process has stayed private.
— Adrian Wojnarowski (@wojespn) June 26, 2019