Кевин Дурент, еден од најдобрите играчи на денешницата, започнал со шутерските тренинзи во својот нов клуб Бруклин Нетс.
Кеј-Ди, во јуни, во петтиот меч од финалната серија против Торонто Репторс ја скина Ахиловата тетива. Веднаш по завршувањето на сезоната тој донесе одлука да ги напушти Голден стејт Вориорс и да ја прифати понудата од Бруклин.
По операцијата лекарските прогнози беа дека тој ќе ја пропушти целата сезона 2019/2020, меѓутоа според тоа како се одвива неговиот процес на рехабилитација можно е тој да се се појави во тимот на Брулклин Нетс во финишот на сезоната.
Дурент започнал со шутерски тренинзи, а на „Твитер“ се појавија фотографии од неговиот тренинг. Интересно Дурент е облечен во дрес на легендарниот Хрват, Тони Кукоч.
Кевин Дурент никогаш не криел дека во детството Кукоч бил еден од неговите идоли.
Kevin Durant (@KDTrey5) rocking ?Toni Kukoč threads as he gets extra reps in. pic.twitter.com/dG0GRLA4LN
— Christopher Lavinio (@ChrisLavinio) November 13, 2019