Филаделфија го победи Бруклин со 110:102 во дербито, во НБА лигата. Победи изминатата ноќ забележа и кошаркарите на Милвоки Бакс, односно Вашингтон Визардс.
Џоел Ембид, центарот на Филаделфија, со помош на Мекси ја доби пресметката со Дурент и Харден.
Камерунецот натпреварот го заврши со 34 поени и седум скока, Мекси забележа 25 поени, седум скока и четири асистенции. Двоцифрен кај Филаделфија беше и Сет Кари со 17 поени.
Дурент и Харден комбинирано постигнаа по 33 поени. Брадата забележа трипл-дабл со 14 скока и 10 асистенции.
Бруклин и покрај овој пораз се лидери на Истокот со 23 победи и 10 порази. Филаделфија се наоѓа на шестото место со 19-10.
Вашингтон убедливо го порази Кливленд со 110:93. Бредли Бил се врати во тимот на Вашингтон и со 29 поени и 10 асистенции беше најдобар на теренот. Дабл-дабл од 25 поени и 10 скокови забележа Кајл Кузма.
Милвоки, два пати во два дена победија во Орландо. Бакс, предводени од Јанис Адетокумбо (33 поени), Џру Холидеј (25) и Крис Мидлтон (22), славеа со 136:118.