Фенербахче ќе ја брани европската титула на Фајнал фор турнирот во Белград, откако со 3:1 ја елиминираа Басконија, победувајќи на гости со 92:83 во последниот меч од серијата.
Ова ќе биде четврти настап во низа за турскиот клуб на Фајнал фор турнирот во петтата сезона под водство на Жељко Обрадовиќ, тренер кој досега има 9 титули во Евролигата.
Фенербахче го контролираше мечот од втората четвртина за да има предност и од дури 21 поен, пред Басконија да направи низа од 14:1 и да внесе малку неизвесност. Фенер се одбрани од овој напад за на крајот да слави со 11 поени разлика.
Србинот Марко Гудуриќ имаше 22 поени и 3 асистенции, неговиот сонародник, Никола Калиниќ додаде 13 поени, а Николо Мели имаше 21 поен. Кај домаќините Винсент Порие имаше 14 поени, а Бубоа заврши со 13.
За ново финаче, Фенер ќе се бори со литванскиот Жалгирис, кој со 3:1 го елиминираше Олимпијакос.
Фото: ЕПА