Финикс Санс први изборија место во плејофот во НБА лигата. Санс, славеа убедлива победа во Мајами 111:90, во пресметката на првопласираните тимови во своите Конференции.
Девин Букер, се врати во тимот на Финикс, откако поради коронавирусот, пропушти четири натпревари. Тој со 23 поени, осум скока и девет асистенции, го предводеше својот тим до победата. Микел Бриџис постигна 21 поен, а Диандре Ејтон забележа 19 поени и 10 скокови.
Мајами го предводеа Данкан Робинсон со 22, односно Тајлер Хироу и Бем Адебајо со по 17 поени.
Финис се лидери на Западот и воопшто во НБА лигата со 53 победи и 13 порази. Мајами останаа на првото место во Источната конференција со 44 победи и 23 порази.
Изминатата ноќ, лошата низа ја продолжија ЛА Лејкерси. Леброн Џејмс забележа трипл-дабл (23 поени, 14 скокови, 12 асистенции), Расел Вестбрук постигна 30 поени, но тоа не беше доволно „езерџиите“ да го победата последно пласираниот тим на Западот, Хјустон.
Џејлен Грин со 32 поени, го предводеше Хјустон до победата во продолжението од 138:130.
Лејкерси имаат скор од 28 победи и 37 порази, Хјустон се на 17 победи и 49 порази.