Марк Гасол договорил две годишна соработка со актуелните шампиони во НБА лигата, Лос Анџелес Лејкерс. За да направат место во тимот за Гасол, Лејкерси во Кливленд Кавалирс, ќе го испратат Џавал Мекги.
Марк Гасол неодамна најави дека сака да го напушти Торонто и дека би сакал да игра во тим кој ќе биде конкурентен во борбата за шампионскиот прстен.
Гасол во 2013 година беше прогласен за најдобар дефанзивец во НБА лигата, а 2015 година беше во првата петорка на сезоната. Три пати во кариерата учествувал на „Ол стар“ натпреварите.
Марк ќе биде вториот од семејството Гасол кој ќе го носи дресот на Лејекрси. Неговиот брат Пау, беше дел од шампионските тимови, кои со Коби Брајант на чело, во 2009 и 2010 година беа шампиони во НБА.