Центарот на Јута Џез, Руди Гобер, се уште не е сигурен дали ќе игра на Европското првенство. Претходно Нандо Де Коло и Николас Батум потврдија дека ќе го пропуштат ЕП. Евентуалното откажување и на Гобер би претставувало сериозен удар за француските амбиции на континенталниот шампионат.
„Се уште не сум решил дали ќе играм“, изјавил Гобер за „Екип“.
Руди Гобер е еден од најдобрите одбранбени играчи во НБА лигата. Сезонава има просек од 15,6 поени, 14,7 скока, една асистенција и две блокади по натпревар.