Кошаркарите на Хјустон уште еднаш ја совладаа Јута во Солт Лејк Сити и поведиа во серијата со 3:1. Ракетите до нов брејк дојдоа со победата 100:87 и на 9.мај, на домашен терен, ќе имаат можност да обезбедат пласман во финалето во Западната конференција.
Првопласираниот тим во регуларниот дел од сезоната од самиот почеток, преку Харден и Пол, го контролираше ритамот и резултатот. На почетокот на втората четвртина Ракетите имаат предност од 15 поени (23:38), а на полувремето Јута имаше десет коша негатива (48:58).
Хјустон на три минути до крајот на третиот период ја достигна максималната разлика (57:76), меѓутоа борбените Џезери не се предаваа и предводени од Донован Мичел успеаја да се доближат на само пет поени негатива (80:85).
Сепак до крајот Хјустон преку Капела и Ариза направи серија од 2:15 и го реши мечот.
Крис Пол со 27 поени, 12 скока и шест асистенции, заедно со Клинт Капела 12 поени, 15 скока, шест блокади го преводеа Хјустон, во чии редови Џејмс Г=Харден постигна 24 поени со лош процент на реализација (8/22).
Интересно играчите на Хјустон кон кошот на Јута упатија 88 шутеви, а повее од половината (45) ги искомбинираа Харден и Пол.
Јута ја предводеше сензационалниот руки Донован Мичел со 25 поени и девет скока, Џо Инглс постигна 15 поени, а Руди Гобер забележа 11 поени, 10 скока и три блокади.
Јута и овој меч играше без Рики Рубио, а по само десет минути се повреди и Данте Ексум.