Top Sport

Хулигани го прекинаа кошаркарскиот меч Левски-Балкан (Видео)

Вториот натпревар од финалната серија во кошаркарскиот шампионат на Бугрија, помеѓу Левски и Балкан од Ботевград, бил прекинат поради инцидент што го предизвикале навивачите на тимот од Софија.

Натпреварот е прекинат во 37.минута, при водство на Левски 66:59, а како што објавија бугарските медиуми, истиот ќе продолжи денес без присуство на публика.

Левски, за прекинот на натпреварот може да им се „заблагодари“ на своите навивачи и на пропустот во организацијата, бидејќи некој дозволил навивачите да бидат сместени веднаш позади клупата на Балкан.

Во текот на целиот натпревар тие со погрдни зборови ги навредувале тренерите и играчите на гостинскиот тим и фрлале по нив со пластични шишиња, а на три минути пред крајот, хулиганите се обиделе и физички да се пресметаат со оние што биле на клупата на гостинскиот тим.

Полицијата и редарите успеале да ги задржат хулиганите, а играчите веднаш се повлекле во соблекувалните.

Од Балкан по мечот рекле дека се работи за „грда провокација“ од страна на Левски и дека не било случајно што хулиганите биле сместени токуму зад нивната клупа.

Домаќинот Левски ги осудил однесувањето на хулиганите.

Scroll to Top