Претседателот на Кошаркарскиот сојуз на Италија, Џани Петручи, потврдил дека неговата репрезентација нема да игра против Русија, во квалификациите за Светското првенство.
Русија, поради нападот врз Украина е суспендирана од страна на ФИБА. Конечната одлука ФИБА ќе ја донесе во јуни.
Русија, во јули, треба да игра на гостински терен во Италија и Исланд. Во февруари, Русите не го одиграа натпреварот против Холандија.
„Навистина сум разочаран, не помислував тека ова ќе оди толку далеку. Војната е во тек, што уште треба да се случи? Дали можеби планираат потенцијален натпревар Русија-Украина во втората фаза? Не гледам што може да се смени до јуни. Јасно е дека спортистите немаат никаква одговорност по ова прашање“, рекол Петручи.
На табелата во оваа група Русија води со три победи, од исто толку натпревари, Италија и Исланд имаат по две победи и порази, додека Холандија е без триумф.
Во втората фаза, трите најдобри репрезентации од групата во која се Русија и Италија ќе вкрстат со Г-групата во која се Шпанија, Украина, Грузија и Македонија.