Мајами хит го победи Милвоки бакс со 130:117 одземајќи им го домашниот терен, но многу поголем проблем за нив е повредата на најдобриот играч Јанис Адетокумбо. Тој се повреди уште на стартот, во првата четвртина, кога во обид да ја забие топката незгодно падна и заработи контузија на грбот.
Giannis exits the floor for the second time since taking a hard fall. Not good 😐pic.twitter.com/rXYLyiVFkw
— Def Pen Hoops (@DefPenHoops) April 16, 2023
Мајами тоа знаше да го искористи и дојде до почетен триумф во серијата. Џими Батлер со 35 поени и 10 асистенции беше најзаслужен за победата, а одличен беше и Бем Адебајо со 22 поени.
Лос Анџелес Клиперс поведе со 1:0 во плејоф серијата против Феникс санс, победувајќи ги „сонцата“ со 115:110. Каваи Ленард блесна со 38 постигнати поени.
Најдобар кај Феникс беше Кевин Дурент со 27 поени, 11 асистенции и девет скока, а Девин Букер постигна еден поен помалку.
Денвер нагетс со 109:90 ја совлада Минесота тимбервулвс. Никола Јокиќ имаше дабл-дабл со 13 поени и 14 скока, а Џамал Мареј беше најефикасен со 24 поени.
ЛА Лејкерс направи брејк на гости против Мемфис гризлис откако славеше со 112:128 на дуелот во „Федекс форум“. Домаќините во третиот период останаа без Џа Морант, кој ја повреди дланката, а ЛА Лејкерс со серија од 15:0 во последната четвртина стигна до триумфот.
Руи Хачимура и Остин Ривс беа неверојатни во тимот на ЛА Лејкерс. Ривс постигна дури 14 од своите 23 поени во последната четвртина, додека Хачимура мечот го заврши со 29 постигнати поени.