Кошаркарите на Денвер Нагетс го победија Мајами Хит со 109:94 во третиот натпревар од финалето на НБА. нагетс го вратија брејкот и сега имаат водство 2:1 во борбата за титулата.
Никола Јокиќ одигра историски натпревар, незабележен откако се игра професионална кошарка во Соединетите Американски Држави.
Никогаш во историјата не се случило еден кошаркар да има најмалку 30 поени, 20 скока и 10 асистенции, до денес. Јокиќ мечот го заврши со 32 поени, 21 скок и 10 асистенции.
Треба да се спомене и Џамал Мареј, кој имаше и трипл-дабл учинок, 34 поени, 10 скока и 10 асистенции.
Одлична улога имаше и „дебитантот“ Кристијан Браун кој постигна 15 поени.
Во поразениот тим Џими Батлер постигна 28 поени, додека Бем Адебајо имаше 22, заедно со 17 скока и три асистенции.
Четвртиот натпревар од финалето ќе се игра ноќта меѓу петок и сабота од 02:30 часот.