Финикс Санс во спектакуларен меч победија во Денвер со 140:130. Санс, во чии редови се врати Крис Пол, го обезбедија првото место на Западот и воопшто во лигата, што значи дека низ целиот плејоф ќе ја имаат предноста на домашниот терен.
Санс во последната четвртина ја обезбедија победата. До неа ги предводеше Девин Букер со 49 поени и 10 асистенции, Крис Пол забележа 17 поени и 13 асистенции.
Кај Денвер се истакна Никола Јокиќ со 28 поени и по шест скока и асистенции. Актуелниот МВП од поле шутираше 9/10.
Денвер се шести на Западот со 43 победи и 31 пораз, Финикс се убедливо први со 60 победи и 14 порази.
Чикаго Булс, до пред еден месец беа лидери на Истокот, а сега им виси директниот пласман во пејофот. Булс имаат 10 порази на последните 13 натпревари, односно пет порази на последните шест натпревари.
Изминатата ноќ, Њу Орлеанс ги победија Булс со 126:109.
Девонте Грем постигна 30 поени, Си Џеј Мекалум 25, а Јонас Валанчунас забележа 16 поени и 19 скокови.
Најдобри кај Чикаго Зек Лавин постигна 39 поени, Коби Вајт 23, а Никола Вучевиќ 16.
Мемфис и без најдобриот играч Џа Морент ја декласираа Индијана со 133:103. Играчите на Мемфис во првата четвртина постигнаа 44 поени. Сезонава, без Џа Морент во составот, Мемфис имаат само два поени во 18 одиграни натпревари.