НБА ѕвездата на Бруклин нетс, Кевин Дурент си купи 5 проценти од МЛС клубот, Филаделфија јунион, со опција да купи дополнителни 5 отсто во блиската иднина, потврдија од клубот.
Двократниот НБА шампион (со Голден Стејт вориорс) и МВП од 2014 година, е вториот кошаркар кој стана дел од МЛС лигата, откако Џејмс Харден, асот на Хјустон рокитс, кој е сопственик на МЛС клубот Хјустон дајнамо. Леброн Џејмс исто така има интерес во фудбалот, купувајќи акции од Ливерпул во 2011 година.
Како дел од договорот, Дурент и неговиот партнер, Рич Клајман ќе помагаат во растењето на бренд на Јунион. Според „ЕСПН“, Јунион вредат околу 325 милиони долари, со што удделот на Дурент е најмалку 16.25 милиони долари.
„Возбуден сум од ова ново партнерство. Мојот тим веднаш се поврза со тренерскиот тим на Јунион како и со историјата на тимот“, вели Дурент.
Јунион ја заврши сезоната 2019 со историска прва победа во плејофот, а сега се подготвуваат за рестартот на сезоната во Орландо од 8 јули. Јунион се во групата А со Орландо сити, Интер Мајами, Њујорк сити ФЦ и Чикаго фајр.
It’s official!! Looking forward to working with @PhilaUnion for years to come ?? https://t.co/Usg0HOdKVY
— Kevin Durant (@KDTrey5) June 15, 2020