Кошаркарот на Феникс Санс – Крис Пол стана третиот најдобар асистент во историјата на НБА лигата.
Општо познато е дека Пол е еден од најдобрите плејмејкери, а ноќеска уфрли 14 поени, имаше 7 скока и подели дури 18 асистенции во победата на Санси против „пеликаните“.
Сега Пол има 10.346 асистенции, веднаш зад живите легенди Џон Стоктон (15.806) и Џејсон Кид (12.091).
„Голема привилегија е да се гледа кошаркарска величина како Крис Пол“ рече тренерот на Феникс, Монти Вилијамс.
И рекордерот имаше свој коментар:
„Многу ми значи ова. Му благодарам на Бог за се, а посебно на можноста да сум дел од оваа лига, да играм и да пишувам историја. Сепак, тоа не го земам здраво за готово“ рече популарниот CP3.
Тој е 45-от најдобар стрелец во НБА, но и прв играч во лигата со 20.000 поени и 10.000 асистенции.