Поранешниот кошаркар на Детроит Пистонс Бил Ламбир смета дека Леброн Џејмс е најдобриот кошаркар на сите времиња и дека Мајкл Џордан не може да се споредува со него.
„Мислам дека Леброн Џејмс е најдобриот играч во историјата. Сигурен сум во тоа. Брз е како ветер, физички е максимално подготвен…Тој е најдобриот играч што некогаш играл кошарка“, рекол Ламбир.
Членот на шампионската генерација на Детроит Пистонс смета дека Џордан има еден недостаток во однос на Леброн Џејмс.
„Најважно од сѐ е што Леброн од првиот ден знаеше како да ги направи подобри своите соиграчи и да бележи победи. Тоа Џордан долго не го можеше. Да, Џордан има повеќе титули, но мислам дека Леброн во секоја ера беше доминантен“, порачал 62 годишникот.
Ламбир е дел од прочуената генерација на Детроит Пистонс наречена „Бед Бојс“ која ја освои НБА лигата во 1989 и 1990 година. Покрај него дел од таа генерација која ја предводеше легендарниот тренер Чак Дејли беа Ајзеа Томас, Џо Думарс, Рик Махорн, Денис Родман, Марк Агваер, Вини Џонсон…