Кошаркарите на Кливленд Кавалирс направија уште еден брејк во Торонто, во полу-финалето во Источната конференција, и поведа против Репторс со 2-0.
Кливленд го декласира Торонто 128:110, а Леброн Џејмс се запиша во историјата. „Кралот Џејмс“ го одигра својот 16.плејоф меч на кој забележал повеќе од 30 поени и 10 асистенции и на првото место на вечната листа го мина Мајкл Џордан.
Tonight is LeBron James’ 16th career playoff game with 30+ points and 10+ assists.
That passes one Michael Jordan for the most in playoffs history per @EliasSports.
You’re welcome, #NBATwitter pic.twitter.com/e74QqnLPzV
— ESPN Stats & Info (@ESPNStatsInfo) May 4, 2018
Кавалирс предводени од Џејмс и Кевин Лав го растурија Торонто во третата четвртина, кога и го трасираа патот кон втората победа во Канада. Играчите на кливленд во третиот период постигнаа 37 поени. Шутот од поле кај Кливленд изнесуваше 60 отсто, а Кавалирс погодија 11 тројки од 26 обиди.
Џејмс одново беше незапирлив за противниците, натпреварот го заврши со 43 поени, осум скока и 14 асистенции. Најдобриот меч во плејофот го одигра Кевин Лав кој имаше учинок од 31 поен и 11 скока.
Најдобри во редовите на Торонто беа Демар Дерозан со 24 поени, односно Кајл лаури со 21 поен.
Третиот меч од оваа серија ќе се игра в недела од 2:30 часот, во Кливленд.