Кошркарите на Лос Анџелес по голема драма, благодарение на Ентони Дејвис и Кентавијус Колдвел-Поуп, славеа над Мајами Хит со 102:96. Лејкерси водат во серијата со 3.1 и уште една победа ги дели од шампионската титула.
Во последните две минути Колдвел-Поуп постигна најпрвин тројка, а потоа беше сигурен на положување, а тројка уфрли и Дејвис со која Лејекрси стекнаа 100:91.
Леброн Џејмс забележа 28 поени, 12 скока и 8 асистенции, Дејвис имаше 22 поени и 9 скока, а Колдвел-Поуп постигна 15 поени (8 од нив во првиот период).
На спротивната страна се истакна Џими Батлер со 22 поени, 10 скока и 9 асистенции, Тајлер Хиро забележа 21, Данкан Робинсон 17, а Бем Адебајо 15 поени.
Наредниот меч на програмата е во сабота во 3.00 часот.