Шест натпревари се одиграа синоќа во НБА лигата. Ноќата ја обележаа Демијан Лилард и расел Вестбрук со брилијантните индивидуални партии како и враќањето на Виктор Оладипо кој поради повреда паузираше една година.
Дербито го одиграа кошаракарите на Портланд Трејлблејзерс и Хјустон Рокетс. Неочекувано лесно славеа Блејзерс со 125.112. Блескаше Лилард кај победниците со трипл-дабл од 36 поени, 10 скока и 11 асистенции.
На спротивната страна лидерската улога ја презеде Вестбрук. Бекот на Рокетс мечот го заврши со 39 поени и 10 скока.
Виктор Оладипо во јануари минатата година доживеа тешка повреда. По една година тој се врати на терените, одигра просечен меч за неговите стандарди меѓутоа го погоди најважниот шут на мечот. На девет секунди до крајот тој постигна тројка со која избори продолженија за Индијана против Чикаго. Претходно Оладипо шест пати шутираше и не постигна ниту една тројка.
На крајот Индијана Пејсерс славеа против Чикаго Булс 115:106.
Резултати:
Бруклин-Детроит 125:115
Њујорк-Мемфис 106:127
Сан Антонио-Јута 127:120
Сакраменто-Оклахома 100:120