Хрватскиот кошаркар Лука Божиќ и официјално е прогласен за најкорисен играч на АБА лигата за сезоната 2023/2024.
Тој вторпат по ред е прогасен за МВП на регионалното натпреварување.
Со гласовите на тренерите, новинарите и навивачите, Божиќ победи пред Кенан Камењаш од Будуќност и Зек Ледеј од Партизан.
Божиќ освоил вкупно 82,6 отсто од гласовите, Камењаш 12,3, додека Ледеј 2,4.
Тој за прв пат ќе го понесе трофејот „Дејан Милојевиќ“ кој од оваа сезона го носи името на прерано починатиот кошаркар и тренер.
Кошаркарот на Задар сезонава имаше просек од 20,6 поени, осум скока, 6,2 асистенции и една украдена топка по натпревар, со индекс на корисност од 29,2.
Добитници на наградата МВП во АБА лигата:
2014/15 – Никола Јокиќ (Мега)
2015/16 – Миро Билан (Цедевита)
2016/17 – Никола Јанковиќ (Олимпија)
2017/18 – Лука Зориќ (Цибона)
2018/19 – Гога Битадзе (Иднина)
2020/21 – Филип Петрушев (Мега)
2021/22 – Никола Калиниќ (Црвена звезда)
2022/23 – Лука Божиќ (Задар)
2023/24 – Лука Божиќ (Задар)