Михаела Алексовска, кошаркарка од Крива паланка, доби покана да биде дел од од интернационалниот камп на НБА лигата кој од 1. до 5. јуни ќе се одржи во Милано.
Најдобрата млада кошаркарка за 2021 година, доби уште едно големо признание, ќе биде дел од кампот наречен „Basketball without borders“.
Кампот кој го организира одделот за младинска кошарка на НБА лига, ќе се одржи во периодот од 1. до 5. јуни во Милано, а се очекува да земат учество повеќе од 40. најталентирани кошаркарки од Стариот континет родени 2005 година и помлади.
Една навистина ретка можност за капитенот на нашата женска кадетска селекција, и кошаркарка на Крива Паланка да ги надгради уште повеќе своите кошаркарски знаења преку дружбата со своите врснички од цел свет.
Извор/ kfsm.mk