Како што објавија медиумите во Грција, Олимпијакос постигнал договор со плејмејкерот на Црвена звезда, Коди Милер-Мекинтаер.
Само еден ден по освојувањето на европската титула, тимот од Пиреја веќе почнува да прави планови за следната сезона.
Дел од тие планови е искусниот 32-годишен Американец, кој ќе го остане во црвено-бело, но од Белград ќе се пресели во Атина.
Тој се согласил на договор со грчкиот гигант за 2+1 сезони. Треба да заработува околу два милиони евра по сезона. Во текот на сезоната, тој имаше просек од 12,6 поени, 7,4 асистенции, 4,5 скока и една украдена топка по натпревар, со рејтинг на корисност од 15.
Фактот дека ги одигра сите 38 натпревари во елитното натпреварување звучи особено импресивно, со што се потврдува неговиот квалитет и континуитет во текот на целата сезона.
Покрај Коди, бековската линија ќе ја засили Жан Монтеро, едно од откритијата на сезоната во Евролигата, учесник во фајналфорот со Валенсија.
Прашање е кој ќе го напушти клубот, Томас Вокап е сè уште под договор, а се очекува да остане и Кори Џозеф, ветеран кој даде значаен придонес во освоејувањето на четвртата титула во Евролигата.
Foto/ Srdjan Stevanovic/Starsport