Најдобриот тим во НБА лигата Милвоки Бакс доживеаја пораз од Финикс Санс 140:131. Бакс беа без својот најдобар кошаркар Јанис Адетокумбо, кој поради повреда на коленото ќе пропушти најмалку два натпревари.
Бакс го доживеаја вториот пораз на турнејата во Западната конференција. Откако беа поразени од Лејкерси, тие загубија синоќа од Финикс.
Девин Букер беше прво име не мечот со 36 поени, Рики Рубио забележа трипл-дабл од 25 поени, 13 скока и 13 асистенции.
Кај Бакс се истакна Крис Мидлтон со 39 поени, десет помалку постигна Ерик Бледсо.
Далас Маверикс не успеаја да ја забележат победа над Индијана Пејсерс (109:112), иако блескаа Лука Дончиќ и Тим Хардавеј.
Виктор Оладипо најпрвин им донесе предност на Пејсерс на 38 секунди до крајот, а потоа на 13 секунди до крајот ја потврди победата.
Кај Пејсерс најдобри беа Домантас Сабонис со 20 поени и 17 скока, односно Ти-Џеј Ворен и Мајлс Тарнер со по 16 поени, а вториот имаше и 13 скока.
Далас го предводеше Дончиќ со 30 поени, 10 скока и осум асистенции, ист број на поени постигна Тим Хардавеј.
Резултати:
Хјустон-Орландо 106:126
Вашингтон-Мајами 89:100
Кливленд-Сан Антонио 132:129
Њујорк-Детроит 96:84
Сакраменто-Торонто 113:118