Словенецот Лука Дончиќ не планира да сопре со своите маестрални партии за Далас маверикс, откако повторно беше лидер на својот тим за 120:113 победа на гости кај Феникс санс.
Во израмнет натпревар, победникот се одлучуваше во самиот финиш, иако Далас водеа во текот на првото полувреме со минимални 53:50. Феникс успеаја да израмнат неколку пати, но на крајот до својата 12. победа оваа сезона стигнаа гостите.
Дончиќ имаше неверојатни 42 поени, а додаде и 11 асистенции и 9 скокови, а Тим Хардавеј Јуниор имаше 26 поени.
Лос Анџелес лејкерс, пак, продолжија со одличните игри за својата 17. победа, откако дома со 125:103 ги совладаа Вашингтон визардс. Ентони Дејвис имаше 26 поени и 13 скока, а Леброн Џејмс додаде 23 поени и 11 асистенции.
НБА РЕЗУЛТАТИ
Детроит – Шарлот 107:110
Орландо – Торонто 83:90
Кливленд – Милвоки 110:119
Њујорк – Филаделфија 95:101
Индијана – Атланта 105:104 ОТ
Мемфис – Јута 94:103
Мајами – Голден стејт 122:105
Оклахома сити – Њу Орлеанс 109:104
Сан Антонио – ЛА Клиперс 107:97
Феникс – Далас 113:120
Портланд – Чикаго 107:103
ЛА Лејкерс – Вашингтон 125:103