Кошаркарите на Монако го освоија третото место на Ф4 турнирот во Евролигата, откако ја совладаа Барселона со 78:66. Тимот на Шарунас Јасикевичиус делуваше недоволно мотивирано по поразот од Реал Мадрид во полуфиналето, па Монако уште на полувремето обезбеди 16 поени предност (44:28).
Штрацел со 14 поени беше предводник на тимот на Монако, а Диало постигна 10 кошеви.
Најефикасен на мечот беше Миротиќ со 15 поени, но немаше голема поддршка од соиграчите.
Во финалето ќе играат Олимпијакос и Реал Мадрид, а почетокот е закажан за 19 часот.