„Вечното дерби“ на македонската кошарка, одиграно во рамките на 17 коло, им припадна на МЗТ. Екипата од Аеродорм во салата „Градски Парк“ го победи Работнички 74:70.
Слично како и во есенскиот дел од сезоната и оваа пресметка на вечните ривали донесе голема борба и неизвесност околу победникот до самиот крај на мечот.
На крајот МЗТ ја искористи доминацијата во скокот, Работнички играше без Кирил Николовски и поголемиот избор на играчи, бидејќи домаќинот мечот го играше со седум кошаркари.
Иако МЗТ имаа двоцифрена предност во третата четвртина (49:37), ветеранот Мираковски со три тројки ја врати неизвесноста во натпреварот. На крајот клучна се покажа тројката на Соколов со која МЗТ се одвоија од противниците на шест поени (65:59).
Високите играчи на МЗТ, Иве Иванов и Предраг Самарџиски комбинираа 38 поени и 25 скока. Хрватот Иванов забележа 22 поени и 9 скока, а поранешниот македонски репрезентативец имаше 16 поени и исто толку скока.
На спортивната страна дабл-дабл имаше Мираковски (18 поени, 10 асистенции).
фото/mztskopjeaerodrom.mk