МЗТ Скопје Аеродром стигна до убедлива 84:64 (18:18, 23:11, 20:20, 23:15) победа над Пелистер во првиот меч од финалето во македонскиот шампионат, покажувајќи дека се фаворити за одбрана на титулата.
Гостите успеаја да одиграат рамноправно во првата четвртина, по што „металците“ влегоа во ритам и направија двоцифрена предност за 41:29 водство на полувреме.
Второто полувреме повторно почна со израмнета игра, но МЗТ не дозволи противникот да се доближи, за на крајот во последната четвртина да ја потврдат фантастичната форма и да остварат убедлива победа.
Фото: МЗТ Скопје