Андре Драмонд ја облежа изминатата ноќ во НБА лигата. Центарот на Детроит Пистонс на импресивен начин му овозможи на својот тим да слави победа во Бостон 118:108.
Центарот, кој е роден во Бостон, со „дабл-дабл“ од 26 поени и 22 скока ги предводеше Пистонс до победата.
Драмонд постигна 10 поени во првата четвртина, а во завршницата во последните пет минути ги реализира последните 11 поени за Детроит.
Пистонс со третата пбеда во последните четири натпревари од Бостон ја презедоа челната позиција во Источната конферњнција.
„Ова е за паметење. Ова е еден одо оние мечеви кои не се забораваат. Ваква ноќ во родниот град мора да биде запаметена“, рекол Драмонд.
Покрај Драмонд одличен меч одигра и бекот Тобијас Херис (31 поен, 8 скока), додека плејмејкерот Реџи Џексон имаше учинок од 20 поени и 7 скока.
Селтикс го запишаа првиот пораз оваа сезона беа предводени од Маркус Смарт (23 поени) и Кајри ирвинг (18 поени, 4 скока, 9 асистенции).
Сан Антонио во тексашкиот дуел против Далас Маверикс победи 115:108, а мечот го обележа враќањето на Тони Паркер. Францускиот ас го одигра првиот меч сезонава, на теренот мина 14 минути и забележа 6 поени и 4 асистенции.
Најефикасен кај Спарс беше Ламаркус Олдриџ со 33 поени, а Пау Гасол забележа 25. Кај Маверикс по 19 поени постигнаа Весли Метјуз и Денис Смит.
Кливленд Кавалирс убедливо победија во дуелот со Филаделфија 113:91. Леброн Џејмс забележа 30 поени, 13 скока и 6 асистенции, а на спортивната страна Џоел Ембид имаше учинок од 30 поени и 11 скока.
Преку 30 поени потигнаа и првите ѕвезди на Хјустон Рокитс и Портланд Трејлблејзерс, Џејмс Харден и Демијен Лилард.
Харден со 37 поени, 10 скока и 8 асистенции го предводеше Хјустон до победата над Бруклин Нетс 117:103, додека Лилард во победата на Портланд во Њујорк 103:91 постигна 32 поени.
Лу вилијамс постигна рекордни во кариерата 42 поени во дербито на Лос Анџелес, во кое Клиперс ги победија Лејкерс 120:115. Одличен меч за победникот одигра и Блејк Грифин (26 поени, 11 скока), додека „езерџиите“ ги предводеше Кентавијус Колдвел-Поуп со 29 поени.