Официјалниот твитер-акаунт на НБА судиите призна дека судиите пропуштиле да досудат фаул за Кливленд кавс во вториот меч од НБА финалето против Голден стејт вориорс.
Вориорс стигнаа до 122:103 победа над Кавс за да поведат со 2:0 во финалето, а контроверзниот момент се случи на четири минути до крајот на третата четвртина кога Кавс губеа со 81:73.
Леброн Џејмс скокна да фати додавање, а Клеј Томпсон и Стеф Кари се обидуваа да се одбранат. Џејмс ја доби топката, а двајцата кошаркари на Вориорс се сопнаа, а Кари го собори Џејмс. Наместо да биде досуден фаул, Џејмс доби казна за грешка во чекори.
Џејмс побара фаул, а тренерот на Кливленд, Тајрон Лу доби техничка грешка. До крајот на четвртината Вориорс направија низа од 9:7 и ја почнаа последната четвртина со 90:80 водство.
We missed this one – it should have been a foul. The defensive player undercuts the offensive player, knocking him off balance. Unfortunately in this case the referee had a closed look at the point of contact. https://t.co/uiSqBvPvKV
— NBA Referees (@OfficialNBARefs) June 4, 2018
„Ова го пропуштивме – требаше да биде фаул. Дефанзивниот играч го трга од рамнотежа офанзивниот играч. За жал, судијата немаше добар поглед на работите“, се вели во соопштението на НБА судиите.
Признанието доаѓа по неколку судски контроверзи во првиот меч. На 36.4 секунди пред крајот на натпреварот и при 104:102 водство на Кавс, беше досуден фаул над Кевин Дурант иако оценката е дека тој направи фаул во напад. Дурант ги постигна двете слободни фрлања.
Третиот меч е во Кливленд во среда навечер.