Њујорк никс ја завршија сезоната и се во потрага на тренер, откако го отпуштија Џеф Хорначек, кратко по победата над Кливленд за да се заврши уште една лоша сезона со 29-53 скор. Во двете сезони под Хорначек, Никси загубија повеќе од 50 натпревари и не играа во плеј-офот.
„Џеф е вистински професионалец кој работеше напорно со нашиот тим, и ги цениме неговите остварувања и му посакуваме најдобро во иднината“, се вели во соопштението на претседателот на Никс, Стив Милс.
Хорначек вкупно имаше 60-104 скор и стана првиот тренер кој беше сменет, додека Никси ќе бараат 11-ти тренер по оставката на Џеф ван Ганди во 2002 година. Хорначек беше ангажиран во 2016 од Фил Џексон, кој замина минатото лето.
Никси имаат победа во само еден плеј-оф дуел од 2002 година и не беа ниту блиску до плеј-офот против Хорначек.
Фото: ЕПА