Србија ги заддржа своите шанси за пласман на Мундијалот во 2023 година, откако во Белград во фантастична партија стигнаа до 100:94 победа над Грција по продолженијата.
И покрај повредата на Василије Мициќ и фантастичната партија на Јанис Адетокумбо, кој заврши со 40 поени, 8 скока и 5 асистенции, Србија успеа да стигне до победата, откако Калиниќ ги погоди последните две слободни фрлања за триумф. Никола Јокиќ на крајот заврши со 29 поени, 8 скока и 6 асистенции. Србија сега има 2-3 скор во втората групна фаза, додека Грците се со 3-2 скор.
Словенија пак, и покрај спориот старт стигна до убедлива 104:83 победа над Естонија, предводени од Лука Дончиќ, кој за 30 минути на теренот имаше 25 поени, 11 скока и 8 асистенции.
КВАЛИФИКАЦИИ ЗА СП 2023
ГРУПА И
Летонија – Турција 111:85
Србија – Грција 100:94 по продолженија
Белгија – Велика Британија 72:57
ГРУПА Ј
Финска – Израел 79:73
Шведска – Германија 50:67
Словенија – Естонија 104:83