Бранителите на титулата во НБА лигата, Голден стејт Вориорс, минуваат низ тежок период. Во Детроит го забележаа пораз, деветти во сезоната, (111:102). Интерес во САД, повторно предизвика и дуелот на играчите што го носат презимето Богдановиќ. Во драматитечн меч победата му припадна на тимот за кој настапува Србинот, Богдановиќ, иако Хрватот Богдановиќ постигна повеќе поени.
Пистонс и Вориорс беа израмненти три четвртини, а клучна за конечниот победник беше втората четвртина која Детроит ја доби со 30:22. Вориорс во тимот ги имаше сите играчи, со исклучок на Дрејмонд Грин и Демаркус Казинс кој се уште нема дебитирано.
Кевин Дурент постигна 28, Стеф Кари поен помалку, а Клеј Томпсон 21 кош. Пистонс ги предводеа Блејк Грифин со 26 поени, шест скока и пет асистенции, а Андре Драмонд доминираше во рекетот со 16 поени и 19 скока.
Вориорс го запишаа деветтиот пораз во 24 меч сезоната. За потсетување оваа франшиза во целата сезона 2015/2016 имаше девет порази.
Сакраменто Кингс славеа во дуелот со Индијана Пејсерс 111:110, иако во последната минута влегоа со негатива од три поени. Пејсерс овој меч го играа без најдобриот играч Виктор Оладипо.
Србинот од Сакраменто, Богдан Богдановиќ постигна 20 поени. Покрај него кај Кингс се истакнаа Вили Коли-Стајн со 17 поени и 13 скока, односно Бади Хилд со 18 поени.
Хрватот Богдановиќ беше најефикасен кај Индијана со 27 поени.
Резултати:
Њујорк Никс-Милвоки Бакс 136:134
Вашингтон Визардс-Бруклин Нетс 102:88
Кливленд Кавалирс-Торонто Репторс 95:106
Хјустон Рокитс-Чикаго Булс 121:105
Минесота Тимбервулвс-Бостон Селтикс 109:118