Кошаркарите на Фенербахче ја забележаа 300. победа под водство на тренерот Жељко Обрадовиќ. Синоќа, Фенер во Евролигата запиша убедлива победа над Дарушафака 100:79.
Обрадовиќ ја започна шестата сезона на клупата на Фенербахче, а неговиот скор е 300 победи и 88 порази. Во овој период турскиот тим го оствари најголемиот клупски успех, пред две сезони ја освои Евролигата.
Покрај трофејот во Евролигата, Обрадовиќ со Фенербахче освоил и четири титули во првенството и една во купот на Турција.
„Ова е нешто што го постигнавме сите заедно. Добро е едно вакво искуство, само мораме да продолжиме во овој ритам“, рекол Обрадовиќ.
Zeljko Obradovic yönetiminde 300. galibiyet! Birlikte nice galibiyetlere, nice zaferlere! #NeverEnough pic.twitter.com/cVKpWP7ixI
— Fenerbahçe Beko (@FBBasketbol) November 20, 2018
Српскиот тренер во кариерата девет пати бил европски првак со Партизан, Хувентуд, Реал Мадрид, Панатинаикос и Фенербахче. Единствено не успеал да ја освои титулата со Бенетон од Тревизо на чија клупа седел во периодот од 1997 до 1999 година.