Кошаркарот на Сан Антонио, Пети Милс, со неговите 25 поени беше најзаслужниот за триумфот на селекцијата на Австралија против Нигерија со 84-65 во рамки на групата Б на олимпискиот турнир во Токио.
Милс имаше поддршка од Ексум, Инглес и Кја, па во последниот период го скршија отпорот на жилавите Африканци.
Емегано и Нвора беа единствените двајца со двоцифрен број поени кај Нигерија.
Во вториот меч од оваа група Италија ја победи Германија со 92-82 во возбудлив меч кој беше решен во последните четири минути.
Николо Мели, Данило Галинари и Фонтекио беа најзаслужни за триумфот на „Азурите“, додека кај Германците се истакна Маодо Ли.
Во рамки на групата А на ОИ во Токио, Чешка го победи Иран со 84-78 во првиот денешен меч, а со почеток во 14 часот по средноевропско време е дербито во оваа група – САД против Франција.