Олимпијакос го обезбеди својот прв пласман во плејофот во Евролигата од 2018 година, доминирајќи над својот лут ривал Пантаинаикос со 101:73 победа. Користејќи ја суспензијата на трите руски клуба (ЦСКА, Уникс и Зенит), Олимпијакос се искачи на четвртото место на табелата.
Шест кошаркари на Олимпијакос имаа двоцифрен број на поени, а најдобри беа Саша Везенков со 16 поени и 5 скока во 18 минути, и Костас Слукас со 16 поени и 9 асистенции.
„Црвените“ почнаа фантастично за првите десет минути да ги добијат со неверојатни 38:13, за да го зголемат водството на 50:18 во половината на втората четвртина. За ПАО, Дерил Мејкон имаше 23 поени, а Јоргос Папајанис завршиу со 18 поени.
ЕВРОЛИГА, 30.КОЛО
Жалгирис – Анадолу Ефес 71:85 (19:23, 11:18, 10:24, 31:20)
Олимпијакос – Панатинаикос 101:73 (38:13, 20:20, 20:18, 23:22)
Реал Мадрид – Асвел Лион 70:58 (20:14, 16:16, 15:17, 19:11)