Познати се учесниците во натпреварот во забивање на Ол стар викендот во Кливленд. Листата ја објави најпознатиот НБА инсајдер, новинарот на „Атлетик“, Шемс Чаранија.
Како што објави Чаранија, за трофејот во најатрактивното натпреварување на Ол стар викендот, ќе се натпреваруваат: Џејлен Грин од Хјустон, Хуан Тоскано Андерсон од Голден стејт, Оби Топин од Њујорк и Кол Ентони од Орландо.
Играчот на Њујорк Никс, Топин и лани учествуваше во овој натпревар, останатите тројца се дебитанти.
Натпреварот во забивање ќе се одржи на 19.февруари во Кливленд, ден подоцна ќе се одигра Ол стар натпреварот.