Шарлот хорнетс и Милвоки бакс ќе играат во прв меч од регуларната сезона во Париз следната сезона, потврдија од НБА лигата. Мечот ќе се оддржи во „Акорхотелс арената“ на 24 јануари 2020 година, каде што претходно се оддржуваа мечеви од пред-сезоната во НБА.
„Нашиот меч во Париз ќе го покаже глобалниот раст на кошарката во еден од големите светски градови. Франција има рекорден број на кошаркари во лигата и затоа решивме да им донесеме искуство на луѓето од Париз“, вели комесарот на НБА, Адам Силвер.
Претседателот на Хорнетс, Мајкл Џордан вели дека е горд што неговиот тим ќе игра во Париз.
„Шарлот хорнетс се горди што имаат шанса да учествуваат во првиот меч од регуларната сезона во Париз. Јас во мојата кариера играв пред-сезона во Франција и ја почувствував страста на француските навивачи за НБА кошарка“, вели легендарниот Џордан.
The NBA Paris Game 2020 Presented by beIN SPORTS to feature the @hornets and @Bucks on January 24, 2020.
Visit https://t.co/FXk959FUkf to register for #NBAParis ticket information. pic.twitter.com/ECuJk6yOMs
— NBA (@NBA) March 28, 2019