Легeндарниот српски кошаркар, Зоран Савиќ, наредната недела ќе биде промовиран во нов спортски директор на Партизан. На оваа функција тој доаѓа на местото на Никола Лончар, кој доби отказ минатата недела.
Поранешниот репрезентативец на Југославија, има искуство како спортски директор, на оваа функција беше од 2000 до 2005 година во Фортитудо. Овој тим во 2004 година играше во финалето во Евролигата.
Истата улога ја имал и во Барселона од 2005 до 2008.
Савиќ како играч има исклучителна кариера, бил европски првак со Југопластика, а со Југославија има три европски и една светска титула, како и сребро од Олимписките игри во Атланта во 1996 година.