НБА франшизата Филаделфија Севентисиксерс му врачи отказ на тренерот Брет Браун. Отказот е очекуван бидејќи Филалделфија со 4-0 беа елиминирани од Бостон Селтикс во првата плејоф рунда.
Браун седум години ја предводеше Филаделфија, но не успеа да го реализира проектот до крај. Клубот свесно неколку сезони завршуваше на последните места за да може да добие високи пикови на драфтот, но талентот и квалитетот на Бен Симонс и Џоел Ембид, тренерот Браун не успеа да ги преточи во голем резултат.
Генералниот менаџер Елтон Бренд ќе се обиде да го донесе поранешниот тренер на Кливленд Кавалирс Тајрон Лу кој во моментов е асистент во стручниот штаб на ЛА Лејкерс.