Top Sport

Шампионите не грешат два пати, Вориорс ги декласираа ЛА Клиперс (Видео)

Голден стејт Вориорс брутално им одговорија на ЛА Клиперс за поразот во вториот меч, кога испуштија предност од 31 поен. Во Лос Анџелес актуелните шампиони победија 132:105.

Вориорс од почетокот го наметнаа својот ритам, бргу стекнаа двоцифрена предност, а мечот го решија во третиот период (36:24) кога стекнаа предност од 33 поени.

Актуелните шампиони погодија 15 тројки од 38 обиди, а до триумфот ги водеше Кевин Дурент со 38 поени, 4 скока, 7 асистенции и една блокада. Стеф Кари за 20 минути постигна 21 поен, а двоцифрени беа уште и Андре Игудала (15 поени), Клеј Томпсон (12) и Кевин Луни (10).

Хрватскиот репрезентативец Ивица Зубац беше најдобар кај Клиперс со 18 поени и 15 скока.

Четвртиот меч од оваа серија се игра в недела од 21.30 часот, по средно-европско време, а домаќини повторно ќе бидат ЛА Клиперс.

Scroll to Top