Кошаркарската селекција на Шпанија попладнево славеше победа против селекцијата на Иран на Мундобаскетот во Кина со 73-65 во последниот меч од групната фаза.
„Фурија“ очигледно го потцени противникот, влезе во мечот со дел од своите потенцијали, па затоа до почетокот на последната четвртина се мачеше да ја осигура победата.
Марк Гасол со 16 поени беше најпрецизен, Клевер и Хернангомез постигнаа по 11 поени.
Кај поразената селекција најдобар беше Мохамад со 15 поени.
Шпанија како првопласирана ја заврши Ц групата, па заедно со Порторико во нокаут-фазата ќе вкрстат со групата во која премин обезбедија Србија и Италија.
Селекциите на Русија и Аргентина во борба за првото место во групата Б одиграа возбудлив дерби меч во кој победата им припадна на „гаучосите“ со резултат 69-61.
Аргентинците го диктираа темпото во првиот дел па резултатот по првото полувреме беше 39-33 во нивна корист.
Во вториот дел двете селекции тешко постигнуваа поени, но Аргентинците во последната чевртина влегоа со +13.
Руските кошаркари не се предадоа, па успеаја да намалат на само -2 негатива, но сепак Аргентинците успеаја да одолеат на нападите и да се изборат за победа која им носи прво место во групата.
кај Аргентина Кампазо забележа 21 поен, а ветеранот Скола реализираше 13 поени.
Кај Русија најдобар беше Зубков со 18 поени.
Во следната фаза Аргентина и Русија ќе вкрстат со репрезентациите на Венецуела и Полска.