Џејсон Тејтум ја обележа ноќта во НБА лигата. Кошаркарот на Бостон Селтикс влезе во исторјата на франшизата, постигна 60 поени, во победата на Селтикс над Сан Антонио Спарс 143:140.
Бостон и Сан Антонио победникот го решваа во продолжението. Селтикс славе благодарение на рекордната партија на Тејтум. Тој постигна 60 поени, на кои придодаде осум скока и пет асистенции.
Во богатата историја на Селтикс, само легендарниот Лери Бирд, во кариерата постигнал 60 поени на еден натпревар.
Тејтум го иницираше епскиот пресврт на Селтикс, кои успеаја да се вратата во мечот и покрај минусот од 32 поени, што го имаа во еден период од натпреварот.
Кај Сан Антонио се истакна Демар Дерозан со 30 поени и 14 асистенции.
Леброн Џејмс, по најдолгата пауза во кариерата, се врати во тимот на ЛА Лејкерс. Тој против Сакраменто промаши тројка за победа. Сакраменто, по дебаклот против Јута Џез, успеаја да ги победат шампионите со 110:106.
Леброн натпреварот го заврши со 16 поени, осум скока и седум асистенции.
Сакраменто до победата го предводеа Халибартон со 23 и Холмс со 20 поени.
Резултати:
Филаделфија-Атланта 126:104
Кливленд-Вашингтон 93:122
Бруклин-Портланд 109:128
Мемфис-Орландо 92:75
Чикаго-Милвоки 98:108
Финикс-Јута 121:100