Евролигата во понеделник на 25 мај ќе реши дали ќе продолжи сезоната. „АС“ пренесува дека на видео-конференцијата ќе учествуваат 11 тимови кои имаат А-лиценца и тие ќе решат дали сезоната треба да заврши.
Тимовите ќе гласаат, а доколку има потреба во гласањето ќе се вклучи и првиот човек на натпреварувањето Џорди Бартомеу. Израмнет број на гласови може да има само доколку некој биде воздржан.
Она што ќе биде изгласано потоа ќе треба да биде ратификувано на собраните на кое ќе учествуваат сите 18 клубови.
Евролигата на клубовите ќе им претстави протокол, ќе им презентира неколку сценарија и ќе им понуди место каде би можела да заврши сезоната.
Според порталот „Јурохупс“ во пол-позиција за да ја добие организацијата на завршниот турнир е Белград, а конкуренти му се Атина, Каунас и Келн.