Кошаркарите на Лос Анџелес Лејкерс славеа како гости кај Денвер Нагетс – 115:107.
Дејвид Аделман не можеше да смета на Никола Јокиќ и уште неколку играчи, ддодека Остин Ривс отсуствуваше кај „езерџиите“.
Лука Дончиќ беше најефикасниот поединец на средбата со 38 поени, 13 скока и 10 асистенции. Ова беше негов 52-ри трип дабл со најмалку 30 поени, сега има еден повеќе од Никола Јокиќ, додека прв на оваа листа е Оскар Робертсон со 106.
Леброн Џејмс го испрати и со одлично забивање го одби последниот налет на домашниот тим. Тој имаше 19 поени, девет скока и осум асистенции.
Џамал Мареј се истакна за Нагетс со 28 поени, 11 асистенции и два скока. Арон Гордон додаде 18, со пет асистенции и четири скока, Пејтон Вотсон постигна 18, со пет скока и три асистенции, а Спенсер Џонс имаше 16 поени и пет скока.
Нагетс го диктираа темпото на играта и водеа во текот на целото прво полувреме, држејќи двоцифрена предност.
Тие стекнаа максимална предност од 16 поени во третата четвртина, но до крајот на овој период, Лејкерси ја стопија таа разлика и се приближија на посед до противникот.
Пресвртот на средбата се случи во последната четвртина, кога гостите направија серија од 12:0 од која Денвер не можеше да се опорави.
Лејкерси сега имаат скор од 26-16, седми на Западот, додека Нагетсите се трети со скор од 29-15.